outro tipo de aniversarios

O 25 de abril non foi só ese aniversario revolucionario que nos emociona. Foi tamén un 25 de abril de 1998 cando a presa das minas de Aznalcóllar (Sevilla) se veu abaixo, e ocorreu aquel desastre ecolóxico nos arredores de Doñana: o vertido de 5 millóns de metros cúbicos de residuos tóxicos sobre o entorno do parque… Alta concentración de cinc e arsénico, puro veneno para máis de 200 fincas agrarias e, por suposto o cese da actividade mineira de Aznalcóllar
Pouco tempo antes, tamén os donos da explotación, a multinacional sueca Boliden, lanzaba un video “ecolóxico” proclamando a “seguridade” da non agresión ambiental…
Pasados moitos anos, e gastados millóns de euros intentando descontaminar a zona, aínda está prohibida a pesca, a caza, o pastoreo e a recolección.
O Tribunal Supremo condenou á Boliden-Apirsa ao pago de uns 45 millons de euros en concepto de indemnización polos danos causados. A empresa, aducindo que se tratou dun “factor externo” foise de rositas e non pagou un peso.